సూటూ, బూటుతో నిత్యం ఎంతో హుందాగా కనిపించే US President Joe Biden అమెరికా అధ్యక్షుడు జో బైడెన్ తాజాగా షర్ట్ లేకుండా దర్శనమిచ్చారు. బేస్ బాల్ క్యాప్ కళ్లకు సన్ గ్లాసెస్ ధరించి హాలీవుడ్ యాక్షన్ హీరోలా కనిపించారు. ఇందుకు సంబంధించిన ఫొటో ప్రస్తుతం ఇంటర్నెట్ ను షేక్ చేసేస్తోంది.80 ఏళ్ల బైడెన్ డెలావర్ లోని రెహోబోత్ వద్ద ఉన్న బీచ్ ను సందర్శించారు.
ఈ సందర్భంగా కాసేపు బీచ్ లో సరదాగా సమయాన్ని గడిపారు. తన బిజీ షెడ్యూల్ ను పక్కన పెట్టి.. షర్ట్ లేకుండా బీచ్ లో ఎంజాయ్ చేశారు. అక్కడే ఉన్న ఓ జర్నలిస్ట్ అద్యక్షుడి ఫొటోలను క్యాప్చర్ చేసి సోషల్ మీడియాలో పోస్టు చేశారు. US President beach day at Rehoboth Beach ‘రెహోబోత్ బీచ్ లో ప్రెసిడెంట్ అద్భుతమైన బీచ్ డే ను ఆస్వాదిస్తున్నారు’ అంటూ ఫొటోకు క్యాప్షన్ ఇచ్చారు. ప్రస్తుతం ఈ పిక్ తెగ వైరల్ అవుతోంది.
