డ్రగ్స్ కేసులో అరెస్టయిన సినీ నిర్మాత కేపీ చౌదరి కస్టడీ నివేదికలో కొత్త విషయాలు వెలుగులోకి వచ్చాయి. టాలీవుడ్ లో 12 మందికి డ్రగ్స్ సరఫరా చేశానని కేపీ వెల్లడించడంతో ఈ కేసు సంచలనంగా మారింది. కేపీని మరోసారి పోలీసులు అదుపులోకి తీసుకునే అవకాశం ఉన్నట్లు తెలుస్తుంది. ప్రముఖులు, నేతల కుమారులకు డ్రగ్స్ అమ్మినట్లు ఆరోపణలు వస్తున్న నేపథ్యంలో కేపీ చౌదరిని పోలీసులు విచారించారు. కేపీ చౌదరి కాల్ లిస్ట్‌ను డీకోడ్ చేసిన పోలీసులు బిగ్ బాస్ కంటెస్టెంట్ ఆశురెడ్డితో పాటు తెలుగు సినిమాల్లో ఎన్నో ఐటెం సాంగ్స్ చేసిన నటితో వందల కొద్దీ కాల్స్ చేసినట్లు గుర్తించారు. కానీ ఈ కాల్స్‌పై కేపీ చౌదరి స్పందించకపోవడం గమనార్హం. అలాగే 12 మందికి డ్రగ్స్ సరఫరా చేసినట్లు కేపీ చౌదరి అంగీకరించాడు.
వారిలో కొందరి పేర్లను మాత్రమే ఆయన వెల్లడించారు.రఘుతేజ, సనా మిశ్రా, సుశాంత్ రెడ్డి, నితినేష్, బెజవాడ భరత్, శ్వేత, ఠాగూర్ ప్రసాద్ లకు డ్రగ్స్ విక్రయించినట్లు తెలిపారు. కేపీ చౌదరి కేసులో ఫోన్ కాల్స్, బ్యాంకు లావాదేవీలు కీలకంగా మారాయి. కేపీ కాల్ లిస్టులో ఉన్న వారికి కూడా నోటీసులు జారీ చేసే అవకాశం ఉన్నట్లు తెలుస్తుంది. అతడి కాల్ డేటాను డీకోడ్ చేయడంతో బ్యాంకు ద్వారా పలువురికి చెల్లింపులు చేసినట్లు నిర్ధారణ అయింది. కాగా, వీటిలో 11 అనుమానాస్పద లావాదేవీలను గుర్తించిన పోలీసులు.. ఎందుకు చేశారనే కోణంలో దర్యాప్తు ప్రారంభించారు. ఇక మరోవైపు సోషల్ మీడియా లో కొందరు బిగ్ బాస్ ఫేమ్ అషు రెడ్డి పేరును కూడా బయటకు లాగారు.
దీంతో తనపై తప్పుడు ప్రచారం చేస్తున్నారంటూ ఆగ్రహం వ్యక్తం చేసింది ఈ భామ. టాలీవుడ్ డ్రగ్స్ కేసులో తనపై వస్తున్న ఆరోపణలను సోషల్ మీడియా వేదికగా ఆమె ఖండించారు.. సోషల్ మీడియా లో పేర్కొన్నట్లు తనకు ఎవరితో కూడా ఎలాంటి సంబంధాలు లేవని తనపై వచ్చిన వార్తలన్నీ కూడా తప్పుడు వార్తలని అషు రెడ్డి తెలిపింది.డ్రగ్స్ తో ఎలాంటి సంబంధం లేదు
కేపీ చౌదరి మాకు తెలుసు.. కానీ ఎలాంటి వాడో మాకు తెలియదని సిక్కిరెడ్డి తల్లి మాధవి మండిపడ్డారు. నిర్మాత కేపీ చౌదరి డ్రగ్స్ కేసుకు సంబంధించి ప్రముఖ బ్యాడ్మింటన్ క్రీడాకారిణి సిక్కిరెడ్డి నివాసంలో పార్టీలు జరిగాయన్న వార్త మరింత కలకలం రేపిన విషయం తెలిసిందే.. ఈ క్రమంలో స్పందించిన సిక్కిరెడ్డి తల్లి మాధవి.. ఆ వార్తలను కొట్టిపారేసింది. కేపీ చౌదరి తమకు తెలిసిన వ్యక్తి మాత్రమేనని అన్నారు.
అతను ఎలాంటి వాడో తమకు తెలియదని స్పష్టం చేశారు. తాము 2011లో అత్తాపూర్‌లో ఉన్నామని.. తాము ఉంటున్న అపార్ట్‌మెంట్‌లోనే కేపీ చౌదరి నివాసం ఉండేవారని చెప్పారు. అప్పుడు కేపీ చౌదరితో తమకు పరిచయం ఉందని చెప్పారు. 2013లో తమను మాదాపూర్‌కు తరలించినట్లు తెలిపారు. అప్పటి నుంచి కేపీ చౌదరితో తనకు పెద్దగా పరిచయం లేదన్నారు. అయితే అప్పుడప్పుడూ ఫోన్ లో మాట్లాడేవాడని తెలిపారు. 2019లో సిక్కిరెడ్డి కూడా పెళ్లికి వచ్చాడని చెప్పారు. అయితే కేపీ చౌదరి కొంతకాలంగా గోవాలో ఉంటున్న సంగతి తెలిసిందే.కె.పి.చౌదరికి గతంలో ఉన్న పరిచయం కారణంగా వారం రోజుల పాటు నివాసం ఉండేందుకు ఇళ్ల స్థలాలు ఇచ్చామన్నారు.
గ్యాస్ సిలిండర్ తో అగ్ని ప్రమాదం.
కేపీ చౌదరికి ఇళ్లు ఇస్తున్నామని కూడా సిక్కిరెడ్డికి చెప్పారని అన్నారు. కానీ కేపీ చౌదరి అలాంటి వ్యక్తి అని తమకు తెలియదన్నారు. ఆ ఇంట్లోనే ఉండమని కేపీ చౌదరిని చెప్పినట్లు తెలిపారు. ఆ ఇళ్లు సిక్కిరెడ్డి పేరు మీద ఉన్నాయని.. అందుకే ఈ సమస్య వచ్చిందన్నారు. సిక్కిరెడ్డి తల్లి ఎక్కడ బయటకు వెళ్లినా భర్తతో కలిసి వెళ్లేదని చెబుతోంది. సిక్కిరెడ్డి గేమ్ కోసం చాలా కష్టపడుతుందనేది అందరికీ తెలిసిన విషయమేనని అన్నారు.అలాగే ఏప్రిల్ నెలాఖరు నుంచి సిక్కిరెడ్డి సరిగ్గా ఇక్కడికి రావడం లేదు. ఇప్పుడు జరుగుతున్న ప్రచారమంతా అబద్ధమని అన్నారు.
సిక్కిరెడ్డి కెపి చౌదరితో ఒకట్రెండు సార్లు పరిచయం ఉండి ఉండవచ్చని అన్నారు. కేపీ చౌదరిని అంకుల్ అని పిలుస్తున్నారని అన్నారు. సిక్కిరెడ్డి ఇళ్లను పార్టీ కోసం వాడుకున్నట్లు మాత్రమే చెప్పారన్నారు. సిక్కిరెడ్డి డ్రగ్స్ వాడినట్లు కేపీ చౌదరి చెప్పలేదన్నారు. సిక్కి ఇంట్లో పార్టీలు జరిగాయని తనకు తెలియదని.. ఇక్కడ పార్టీలు పెట్టుకునే అవకాశం లేదన్నారు. కేపీ చౌదరి పార్టీ నిర్వహించి ఉంటే అక్కడి ప్రజలే తమకు చెప్పేవారని అన్నారు. అయితే.. డ్రగ్స్ తీసుకున్నట్టుగా, గోవాకు వెళ్లి పార్టీల్లో పాల్గొన్నట్టుగా ఆధారాలు ఉంటే చూపించాలని కూడా ప్రశ్నించారు. అసత్య ప్రచారం చేయవద్దని అన్నారు. ఈ అంశంపై ఎలాంటి పోరాటానికైనా సిద్ధమన్నారు.
