కళ్యాణ్రామ్ హీరోగా తెరకెక్కుతున్న తాజా చిత్రం అమిగోస్. అషికారంగనాథ్ హీరోయిన్గా నటిస్తున్న ఈ చిత్రంలో హీరో కళ్యాణ్రామ్ త్రిపాత్రాభినయంలో నటిస్తున్నారు. ఫిబ్రవరి 10న విడుదలవుతున్న ఈ చిత్ర విశేషాల గురించి పాత్రికేయుల సమావేశంలో మాట్లాడుతూ… బింబిసార సక్సెస్జోష్తోనే అమిగోస్ చిత్రం తీశాను. ఏదైనా సినిమా హిట్ అయితే మన పై మనకు కాన్ఫిడెన్స్ బాగా పెరుగుతుంది. దాంతో కాస్త బాధ్యత కూడా ఇంకా ఎక్కువవుతుంది. అందుకే ఇందులో కాస్త కొత్తగా ప్రయత్నించాను.
పూర్తి భిన్నమైన కథ. ఒకే పోలికతో ముగ్గురు వ్యక్తులు ఎలా కలిశారు. అన్న కథాంశంతో మొత్తం ఆద్యంతంగా ఉంటుంది. ఫ్రెండ్షిప్కి సంబంధించిన టైటిల్ పెట్టాలని ఈ టైటిల్ పెట్టాం. సినిమా మొత్తం 2గంటల 19 నిమిషాలు ఉంటుంది. ఎక్కువగా కళ్యాణ్రామ్ కనిపిస్తారు. మా కుటుంబంలో నుంచి త్రిపాత్రాభినయం సినిమాలు ఎక్కువగా వచ్చాయని అనుకుంటున్నారు. మా కుటుంబంలోని హీరోలకు ఇలాంటి కథలు రావడం మా అదృష్టం. ఆషికాను హీరోయిన్గా టీం అంతా కలిసి ఓకే చేశాం. ఆమె మంచి డ్యాన్సర్. కన్నడ, తమిళంలో కొన్ని చిత్రాల్లో నటించింది. ఈ చిత్రానికి బ్యాగ్రౌండ్ స్కోర్ ప్రత్యేక ఆకర్షణగా నిలుస్తుంది. నా తరువాత చిత్రం డెవిల్ షూటింగ్ 70శాతం పూర్తయింది. మరో మూడు నెలల్లో పూర్తవుతుంది. బింబిసార2 ఈ ఏడాది చివరలో షూటింగ్ మొదలయ్యే అవకాశం ఉంది.
